Kaikuččen ristitun südäimes kaiken om opendai, kudamban urokoid hän navedi školas enamba kaikid i opendusen jäl’ghe johtutab surel armastusel. Ku küzuda Kalagen školan openikoid da aigvoččid ristituid, ken konz-se openzihe Kalagen školas, ka äjad niišpäi sanuba, miše heiden täht mugoine opendai om Ol’ga Evgenjevna Mironova. Ol’ga Evgenjevna jo 34 vot radab Kalag’ – külän školas, opendab lapsid navedimha vepsän kel’t da vepsläšt kul’turad.
