Tämbei mö pagižem vepsläižen runoilijan, kirjutajan Nikolai Abramovan polhe. Sures panendas vepsläižehe literaturaha surman jäl’ghe hänele anttihe Karjalan man rahvahan kirjutajan nimen. Mugoižen käskön allekirjoiti Karjalan man pamez’ Artur Parfenčikov. Hänen melen mödhe Nikolai tegi tozi suren panendan vepsläižehe kul’turaha, vepsän rahvahan kel’he da literaturaha. Znaman andmine tehtihe Nikolai Abramovan jäl’gmäižel radsijal redukun 27.päiväl Karjalan Rahvahaližes kirjistos. Sinna kerazihe kirjutajan navedlijad, arvostajad da läheližed hänele ristitud. Kaik hö johtutiba Nikolajad lujas lämäs. Minei tuli oza pagišta kirjutajan sirazen Taisia Fedotovanke, sebranikan da nevonikan Nina Zaicevanke, a kezal olda adivoiš Nikolajan mamanno Maria Aleksejevna Abramovanno. Tämbei hö kaik oma Karjalan radion efiras.
