GLEB FOMIN ŠOKŠUN ŠKOLASPÄI
Tämbei minä tahtoižin tundištoitta teid noren vepsän kelen opendajanke Šokš-külän školaspäi. Hänen nimi om Gleb Fomin. Gleb iče om vepsläine. Hän openzihe suomalaiž-ugrilaižes školas Petroskoiš, lopi Petroskoin universitetan da voden tagaze läksi vepsläižehe Šokš-posadaha da radaškanzi školas vepsän kelen da istorijan opendajan. Gleb om aktivine Vepsän kul’tursebran ühtnik. Hän hüviš meliš tartub kaikihe vepsläižihe projektoihe, om kaiken aigan voumiž tulda abuhu da tahtoib, miše lapsed opendaižiba vepsän kel’t.
