Karjalazet ijän kaiken suavittih kalua. Järvirannal, lammis da jogilois ymbäri eläjes toizin ei voinnuh ni olla. Kalua ainos pyvvettih varah, sidä keitettih, suolattih, ahavoittih da kuivattih. Kui työ jo ellendittö, tänäpäi meijän «Kodirandazes» myö pagizemmo kalah da kalastukseh niškoi, a avvuttau meile sit Kiži — muzein karjalan kielen tutkii, filolougizien tiedoloin kandiduattu Ol’ga Mihailovna Žarinova.
