Karjalan kulttuurin Viena -šeura jo monta vuotta šäilyttäy karjalan kieltä ta kulttuurie Koštamukšešša. Še yhistäy Karjalan gorničča -folklooriansamblin, Hete-folklooriryhmän, Koštamukšen luontohelmi -ekologisen kotišeutuklubin ta Nuori Viena -nuorisojärješšön jäsenie. Tänä vuotena Koštamukšešša ruvettih pitämäh pakinaklubija. Niihi keräyvytäh ne, ket halutah rikenempäh paissa karjalaksi, kellä ei ole pakinakumppanie, tahi ne ket opaššutah karjalan kieltä.