Tuliel kuul meijän Karjalan radio täyttäy sada vuottu. Sada vuottu se on aiga pitky matku Karjalan radion histouries. Tiettäväine, sidä histouriedu luajittih rahvas, kuaduat ruattih da tänäpäigi ruatah Karjalan radios. Täl kerdua myö pagizemmo ristikanzanke, kudaman hyvyös karjalan da vepsän kielet ruvettih kuulumah Karjalan radios, a vie häi luadi tunnetukse suuren runoniekan Vladimir Brendojevan. Fil’oin Miikul- muga häi ezitti omua iččie radiopaginois. Kui työ jo ellenditto, tänäpäi meijän paginkanzannu on Nikolai Petrovič Filatov.
