Kaksi nedälii tagaperin Karjalan rahvahan liitto pidi vuoronmugazen vuozikerähmön. Sen aigah paistih liittolazien ruavos kolmen vuvven aigua da šeikuittih pluanoi tuliekse. Suurembis ruadolois kerähmön rahvas merkittih karjalan kielen kursoin pidämine. I täl kerdua myö kodvazekse kävymmö Karjalan kanzallizien kul’tuuruinitsiatiivoin keskukseh, kus mennähgi nämmä kursat, da tuttavummo opastajan Svatlana F’odorovna Kondratjevan kursiniekoinke.
