Keviäl da sygyzyl Petroskoin valdivonyliopiston tehnolougien, kuvataijon da dizainan ozaston opastujat käydih Karjalan tazavallan školih masterkluassoinke. Niilöi piettih Kuksa-nimizen projektan hantuzis. Masterkluassoil školaniekat opastuttih kudomah, vestämäh, azumah tyttilöi da keittämäh muilua. Kaksi jälgimästy masterkluassua piettih mennyt nedälil D’ärvenojan da Ladvan kylien školis.