Täl nedälil Karjalan Kanzallizes kirjastos pietäh kogo ven’alastu Fol’kloran kuvien muailmu -nimisty tiedokonferensiedu. Se on omistettu Karjalan tiedokeskuksen Kielen, literaturan da histourien instituutan kuulužan fol’kloristan, filolougien tiedodoktoran, arvostetun tiedoalan ruadajan Neonila Art’omovna Kriničnoin mustole. Naine siirdyi tuonilmazeh mulloi 5. oraskuudu. Häi pani äijän vägie rahvahanrunohuon tutkimizeh, keräi materjualua ei vaigu Karjalas, kävyi tiedomatkoih Arhangelin da Voulogdan alovehel. Tutkijal piäzi ilmoih enämbi kahtu sadua kahtukymmendy tiedoruaduo – kniigua, kirjutustu da oučerkua.