Vilukun 23. päiv om Nikolai Abramovan muštpäiv. Vilukun 24. päiv om hänen sündundpäiv. Om kaks’ süd johtutada meiden armhad vepsläšt runoilijad, fotokuviden tegijad, lehtmehed da i muite rostitud, kudamban heng oli täuttud surel armastusel kodimaha, vepsän rahvahaze, ičemoi kel’he.
Nikolai oli paksus adivoiš Karjalan radion efiras. Hän mahtoi čomin pagišta ičemoi kelel, hüvin lugi ičeze runoid, navedi starinoita ičeze elon vajehtusiš. Tämbei mö johtutam Nikolai Abramovad da kundlem hänen än’t Karjalan radios.
