Mennyt pyhänpiän Karjalas hyvin tundiettu taidoilii da kirjuttai Nikolai Zaicev täytti 80 vuottu. Oman roindumuan puolistai, kirjuttai, taidoilii, Nikolai Petrovič pani da panou kai omat väit karjalan kul’tuuran da kielen kehittämizeh. Zaicev rodivui enne voinua. Tiettäväne, enne voinua rodivunnuzil puutui tirppua da nähtä kaikkie, ga enimite nämmä rahvas ollah hyväntahtozet. Hyö vaiku hyväl sanal mustellah elettylöi vuozii . Hyö uskotah parembah, eletäh suvaijen omua muadu, omua rahvastu. Juuri moine on Nikolai Petrovič Zaicev.