Vuozi 2019 on sanottu muailman kandukanzoin kielien vuvvekse. Karjalas kandukanzoi ollah karjalazet, vepsäläzet da ven’alazet. Omua kieldy tiedämättäh on vaigei kuuluo hos mihtahto kanzah. Karjalan kieli on häviemäs. Aniharvas perehes lapsienke paistah karjalakse, aniharvas školas opastetah karjalan kieleh, sen opastandu on enimyölleh jätetty urokoin ulgopuolel. Yhtelläh vie löydyy opastajua, ket opitah panna käin vastah karjalan kielen häviemizele.