VEPSÄN KELEN KURSAD KARJALAS
2022. voz’ om Vepsän kul’turan voz’. Se pidetas kerdan kümnes vodes. Tobjimalaz necen akcijan aigan pidetas erazvuiččed melentartuižed azjad, vastused, konferencijad da ozutelused. Vepsän kelen kursad Änižröunan küliš om üks’ neniš azjoišpäi, miččid Vepsän kul’tursebr planiruičeb tehta täl vodel. Kursoid vedäba vepsän kelen opendajad: Gleb Fomin Šokšus, Anastasia Jevtušenko Kvarcitnijas da Šoutjärves, Ol’ga Mironova Kaleiges. Ei amu minä ajelin nenihe külihe da vastsimoi kursoiden openikoidenke da opendajidenke, tämbei hö kaik oma Karjalan radion efiras.
