Tänäpäi meijän paginkanzannu on kotkatjärveläine kirjuttai da kiändäi Z. T. Dubinina. Talvikuun loppupäivil Petroskoil minul puutui pagizuttua tädä naistu. Sil aigua kirjuttai sai kädeh vastevai painetun lapsien ”Kummalline vakkaine” runokogomuksen, kudaman kiändi karjalakse häi iče. Tämän kniigän kiännösruado ei olluh Zinaida Timofejevnal ainavonnu. Muga Suomes ilmoile piäzi livvin karjalakse kiännetty pajokogomusgi. Kuunnelkua midä sanelou omas ruavos iče kiändäi Zinaida Dubinina.