Tänäpäi meijän paginkanzannu on karjalan kielen opastai, lapsienkirjuttai da kiändäi Tamara Shšerbakova. Tamara Vasiljevna mondu vuottu kirjuttau kerdomuksii pienembih lugijoih näh. Hänen käispäi lähti mondu kniigastu, kudamat löyttih omii lugijoi. Jälgiaigua naine ottavui suureh kiännösruadoh. Häi ajeli Suomeh kiändäjien kurssiloil, kus rahvastu opastetah kiändämäh karjalan kielel. Mittuman kniigan kiännettäväkse voi ottua opastai da lapsienkirjuttai? Tiettäväine lapsienkniigan. Mittuine tevos oli vallittu kiännettäväkse täl kerdua da kui menöy kiändämisruado, tiijustatto meijän paginan kuultuu.