Tänä vuon Anuksen piiri pidäy suurdu merkipäiviä. Jo on mennyh 75 vuottu kui Anuksenlinnu da rajon oldih piästetty vihamiehis da Anuksen mual algavui rauhalline elaigu ilmai voinua. Kerdu Anuksenlinnal da piiril on moine suuri da merkittävy vuozi, myö emmo voinnuh ollah mainiččemattah sidä. Tänäpäi meijän Kodirandazele minä kučun Anuksen eläjiä, voinan lastu Aleksandr Vasiljevič Šalgujevua, kudai hyvin mustau elostu voinan aigua Anukses.