ALEVTINA MATVEJEVNA KIL’COVA
Minun tämbeine adiv Alevtina Matvejevna Kil’cova om rodnus Kalages edel voinad. Nügüd’ hänele om 80 vot. Jo äi vozid hän eläb Petroskoi-lidnas. Pol’ ičeze elod hän radoi lapsiden kacujan päivkodiš. Hän jo amu läksi pensijale, eläb üksnäze, no südaimen tusk maman polhe ei pästa händast nikut. Alevtina Matvejevna kucui mindai adivoihe, sikš ku tahtoi starinoita minei ičeze maman polhe. Hän tahtoi avaita minei ičeze südäimen da pästta hengespäi tuskad valdale. Nece oli tozi melentartuine i süva pagin, mitte abuti minei-ki kacuhtada eloho toižin.
