Kezakun 11. päiväl Vidl-küläs mäni jo 31. tradicionaline Elonpu-praznik. Kut i kaiken praznikaha kerazihe äi rahvast, kaikjal mödihe vepsläižed pastatesed, sobad, čomitesed da kirjad, a scenal oli čoma koncert, miččel eziniba erazzvuiččed kollektivad. Täl vodel Elonpu praznikan tem oli Vepsläine sarn. Vol praznikal oli kaks’ znamasišt azjtegod: Nikolai Abramovan muštlaudan avaiduz da uden etnokul’turizen keskusen ozutand. Praznikal mo pagižimoi Valentina Lebedevanke, Galina Lokkinanke da Gul’a Polivanovanke. Naižed starinoičiba meile kut mäniba praznik da sen tärktad azjtegod.
