Karjalan radion efiras om pagin uziden kirjoiden Kirjmel’nic-prezentacijan polhe. Prezentacijal todihe ezile kirjad venän, karjalan, suomen da vepsän kelel, miččed oli paindud muloi Periodika-paindištos. Zalas kerazihe kirjoiden tegijad, pirdajad, avtorad. Kirjoiden keskes oli kodiröunan, taideh-, tedo- da lapsiden literatur. 16 kirjaspäi kaks’ om omištadud vepsläižile – Ol’ga Žukovan “Ezmäine änik” da Tamara Guzenkovan da Zinaida Strogal’ščikovan “Vepsän rahvahan kul’turan jäl’gestuz”. Kirjoiden südäimištos starinoiceb Kodima-lehtesen pätoimitai, Periodika-paindišton radnik Galina Baburova. Radiopagin vepsän kelel.
