Kodirandaine / Родной берег

Kodirandaine kanualu työ suatto kuunella joga päiviä viizi kerdua nedälis. Se kestäy 45 minuuttua. Algavuu se uudizil kanzallizil kielil: myö sanelemmo Karjalan poliittizis, talovehellizis, kultuuru- sego sotsiualu tapahtumis. Kodirandaine jatkuu paginoil karjalan, vepsän da suomen kielil. Ezmässarren da kolmanpiän net ollah livvin da vienan murdehil, tossarren paginois myö tuttavutammo teidy kirjuttajien da kniigu-uvvistuksienke. Nellänpiän kanualas työ voitto kuunella paginoi vepsän kielel, a piätteničan suomenkielizii muuzikkuprogrammoi. Meijän paginois myö vastavummo kui tavallizien, mugai hyvin tundiettuloin ristikanzoinke, pagizemmo kieles, perindölöis, rahvahien nerolois, kul'tuuras da kirjalližuos.

KIŽI-SUARNALLINE KOHTU

Kižin suari on Karjalan da Ven’an kaunehembii paikkoi. Joga vuottu tänne tulou tuhanzii turistoi ihailemah ainavoluadustu puuarhitektuurua da čomua Karjalan luonduo. Tänävuon Kiži täytti 60 vuottu kui se toimiu kul’tuurualan valdivolaitoksennu. Se on tundiettu ymbäri muailmua Spuasan pogostan kirikkölöil da kellojalloil. Suarel on muudugi histouriellistu rakennustu, kuduat hyvin ozutetah karjalazien, vepsäläzien da ven’alazien bohattua kul’tuuruperindyö. […]

10.06.2026
197

SIÄMÄRVEN KALAZAVODAL-55! (2 OZA)

Mulloi täydyi 55 vuottu kui algoi ruandan Siämärven kalankazvatuszavodu. Mennyt kerral myö algaimmo paginan täh zavodah niškoi. Meijän endine toimittai, kalazavodas ruadanuh Nikolai F’odorovič Nazarov saneli meile vähäzen zavodan histouries da kalankazvattajien ”eksperimentois”. Täl kerdua myö jatkammo paginua kalazavodas.

10.06.2026
204

VERA LARIONOVALE-70!

Tänäpäi meijän paginan myö omistimmo Alavoizen neroinehmizele Vera Mihailovna Larionovale. Oraskuun loppupäiväl Vera Mihailovna täytti 70 vuottu.

01.06.2026
189

TÄRGED PAGIN

Karjalan radion efiras om pagin Karjalaižiden, vepsläižiden da suomalaižiden ezitajiden ištundan polhe, mitte ei amu mäni Petorkoiš. Studijas om necen ištundan ühtnik, Vepsän kul’tursebran aktivist, Kodima-lehtesen pätoimitai Irina Sotnikova. Han starinoičeb, miččed temad da küzundad täl kerdal letihe, min polhe pagištihe vastusel. Foton avtor om Irina Sotnikova.

01.06.2026
195

NINA ZAICEVALE-80!

Tänäpäi myö omistimmo meijän lähetyksen vepsän kielen professorale, vepsän kielen kaičijale, kaunehkirjalližuon toimittajale, runoniekale, kirjuttajale da kiändäjäle Nina Grigorjevna Zaicevale. Oraskuun 25. päiväl hänel täydyi 80 — vuottu.

29.05.2026
203

KARJALAINE KODI

‘ Ijän kaiken karjalazil ei olluh nimidä omembua armastu kodii. Sidä akkiloittih, gu piendy lastu rouno, piettih puhtahannu da čomannu. Tänäpäi, kui työ jo saitto ellendiä, myö rubiemmo pagizemah karjalazis kodilois. Kačommo mittuminnu net oldih ulgonpäi da sydämes, kui niilöi salvettih. A vvutetah meile sit filolougizien tiedoloin kandiduattu Ol’ga Žarinova da Anuksen kanzallizen muzein ruadai […]

29.05.2026
209

CARELIA-ŽURNUALAN UUZI NOUMERU

Tänäpäi myö tuttavutammo teidy “Carelia” žurnualah, kudai piäzi ilmoile vuonnu 2025. Sanelemah sih näh myö kučuimmo lehten piätoimittajua Armas Mašinua.

15.05.2026
284

KONDII KARJALAZIL (2 OZA)

Meijän tämänpäiväzen ohjelman myö omistammo kondiele, kudamua rahvas vie endizis aijois pietäh mečänižändänny, viizahuon da väin simvolannu.

06.05.2026
266

KONDII KARJALAZIL (1 OZA)

Tänäpäi meijän lähetys on omistettu kondiele. Kerdomah sih meččuzvierih näh minä kučuin karjalan kielen opastajua, kirjuttajua, kiändäjiä Valentina Ivanovna Karakinua. Valentina Ivanovna oli tutkinuh tiedoloi kondies, konzu vedi Ol’ga Karlovanke karjalan kielen kurssiloi.

06.05.2026
271

TEATRUFESTIVUALI ANUKSES

«Piäroulis Karjalu» — moine nimi annettih teatrufestivualikilval, kudai piettih Anuksenlinnas sulakuun puolivälis. Enzimästy kerdua eri murdehil pagizijat ei ammatillizet teatrujoukot kerävyttih yhteh, gu ozuttua omii artistan neroloi da kaččuo toizii. Festivualikilbah yhtyi kuuzi teatrujoukkuo. Tarkembah sanelen meijän programmas.

27.04.2026
305

ГТРК "Карелия" ТЕЛЕВИДЕНИЕ и РАДИО