1. tuhukuudu Anuksen uvvistetun kinoteatran zualas oli suuri pruazniekku. Anukselaine Koivikko-pajojoukko pidi oman vuozipäivykonsertan. Jo viizitostu vuottu «Koivikon» naizet mielihyväl kerävytäh yhteh da pajatetah čomii da syväindykoskijoi pajoloi karjalan da ven’an kielel. Joga pajattajal on oma pajo, kudai koskou hänen syväindy da mielii. Vikse sendäh vuozipäivän konsertuprogrammal oli annettu Armas pajo-nimi. «Koivikon» pruazniekkukonsertasgi roihes pagin täl kerdua.
