Ei muga ammui meijän TV:n kaččojat nähtih fil’man vahnoin karjalazien taboin da perindölöin tiedäjäs da kaiččijas L’uuba- buabas, kudai oli kuvattu vuonnu 2001 Anuksen Yllözes. Pagizuttamah L’ubov’ Jakovlevna Al’okinua, L’uuba-buabua, kui händy kučuttih hierulazet, silloi kävyi meijän TV:n toimittai Ol’ga Ogneva. Sen matkan aigah sai kirjuttua ainavoluadustu materjualua, kudai meijän aijal on kullan kallis. L’ubov Jakovlevna hyvin tiezi vahnoi karjalazii perindölöi da taboi, enne kaikkie muahpanendutaboi. I täl kerdua meijän «Kodirandazes» myö kuundelemmo midä kerdoi L’uuba- buabo muahpanendutavois da pidolois.