Ligakuun puolivälis Anuksen liygiläzien muzeis enzimästy kerdua oli pietty Prilukinan lugemizet – nimine kodialovehkonferentsii. Se keräi yhteh rahvastu, kedä kiinostau oman muan histourii, kieli, kul’tuuru da perindöt. Prilukinan lugemizet- konferentsieh yhtyi äijy rahvastu. Yksi niilöis anukselaine inehmine, oman kodialovehen tiedäi Valentina Jakovlevna Petraš. Häi varusti dokluadan Ruado- nimizes kommunas, kudai vuozinnu 1920 lopus – 1930 allus oli Anuksen čupul Nannulan hierus. Sit kommunasgi myö pagizemmo tänäpäi Valentina Jakovlevnanke.
