Semendkun augotišes ei edahan Suomen Hel’sinki-lidnaspäi mäni tedoseminar. Se mäni Kirkonummi-alovehes Nuuksio-londuzpuištos. Seminar tehtihe niiden noriden tedomehiden da aspirantoiden täht, kudambad opendaba suomalaiž-ugrilaižid kelid da literaturad. Meil adivoiš oma seminaran ühtnik Anastasija Afanasjeva da Helsinkin universitetan professor Riho Grünthal. No ezmäi kundelkam uzištod.