Vikukun 28. päiväl praznuiči ičeze 65-vottušt sündundpäiväd vepsäine aktivist, Kurban külän eläi, muzejan radnik Svetlana Jeršova.
Svetlana Ivanovna radoi Kurban školas 32 vot. Nece rad oli parahim hänen elos. Hän lujas navedi lapsid da andoi heile kaik ičeze väged, aigad da armastust. Svetlana Ivanovna vedi školas matematikad da vepsän kelen urokoid, a ližaks — lapsiden pajosebrad. Konz zavodihe vepsän kelen da kul’turan udessündutamine, Svetlana Ivanovna surel tahtol tartui neche radho. Vodel 1987 hän avaiži Kurban školas muzejan. Nügüd’ muzei om toižes pertiš. Siš om keratud läz tuhad predmetad. Vodespäi vodhe Kurban muzejaha tuleb enamb i enamb turistoid. Lujas äi ristituid Venämaspäi, verhiš maišpäi tahtoib kacta, kut eläb vepsän rahvaz, mitte om hänel kul’tur, kundelta vepsläšt paginad. Svetlana Jeršova surel tahtol vastab kaikid
