Sanutas, mise naine om kodileden kaičii. I nece om tozi, ved’ naine kaiken pidab hol’t ičeze pertiš. Tegeb kaiken, miše kanznukad ei oližigoi näl’ghäižed, lapsed oližiba ozakahad, a pertiš oliži läm i puhtaz. Tämbei mö tundištamoiš vepsläižen akanke Raisa Vasiljevna Filinanke. Hän om todesine vepsläine emäg. Hänen pertiš om läm’, a keitimpoles kaiken om čoma pirgoiden haju. Raisa Vasiljevna avaidab meile hüvän emägan peitusid.
