Mennyt vuon täydyi jo tuhat kolmekymmen vuottu kui Ven’an muale tuli pruavoslavnoi usko. Paistes rahvahan ristitändäs pidäy mainita Bibliedygi, kudai avvutti uskovalazil tiijustua Jumalua da rodih suurennu abuniekannu heijän hengellizes elaijas. Pidäy mainita, gu kiinnostus Biblieh vuozi vuottu vai kazvau. Sidä nygöigi kiännetäh eri kielil. Mennyt vuvven loppupuolel Suomen piälinnas Helsinkis kerävyttih net suomi-ugrilaizet, ket kiännettih Bibliedy omal kielel. Karjalaspäi pruazniekkupivole oli kučuttu tundiettu runoniekku da kiändäi Zinaida Dubininagi. Häi on tämän lähetyksen gost’annu da kerdou pietys tapahtumas da Biblien merkičykses rahvahien elaijas.