MUŠTLOSED VOINAN POLHE
Suren voinan Vägestusen päiv om tozi znamasine praznik ei vaiše veteranoiden elos, no se om kalliž praznik kaikiden noriden täht. Ved’ meiden dedad, babad, pradedad i prababad äi vot tagaze lahjoičiba meile mirud. Nacein ei ole mugoižid kanzoid, kuna ei tuliži voin. Sevastjanovoiden kanz eli voinan aigan Mägi- derüunas kahesas kilometras Šoutjärv’-posadaspäi. Siloi kaik vepsläižed küläd oliba suomalaižiden valdas. Konz zavodihe voin, penele Jurale oli vaiše kahesa vot. Hän hüvin muštab nenid varukahid päivid, sikš ku ned igäks tartuiba hänen muštho.
