Täl vodel Vepsän rahvahan hor Šoutjärvespäi praznuičeb surt jubilejad. Horale täudub 85 vot. Pit’k da melentartuine istorii. Neniš voziš Vepsän rahvahan hor kogozi čoman repertuaran, kus oma enččed pit’käd vepsläižed pajod, mugažo nügüdläižed pajod da kargud, miččiden pohjal oma vepsläižed verod da tradicijad. Horan pajanikad sirdaba niid suspäi suhu, polvespäi polvehe. Kanman mugošt surt praznikad minä ajelin Šoutjärvehe, vastsimoi pajanikoidenke da pagižin heidenke horan istorijas da repertuaras.