VEPSÄN KELEN NEDAL’
Kaikuččen voden 20. päiväl sulakud mö praznuičem Karjalan da vepsän kirjkelen päiväd. Täl vodel Karjalan Rahvahaližen da regionaližen politikan ministerstv ühtes karjalaižen da vepsläižen organizacijoidenke tegiba diktantan karjalan da vepsän kelel. Edel necidä Petroskoiš da Änižröunas mäni Vepsän kelen nedal’. Vepsän kel’ kului kaiktäna. Periodikas, Paginklubas, Kodima-lehteses, Šoutjärven muzejas da mugažo Karjalan taidehmuzejas Petroskoiš.
A ved’ völ 30 vot tagaze vepsän kirjkelen tegijad Nina Zaiceva, Zinaida Strogal’ščikova, Irma Mullonen, Anatolii Petuhov, Maria Mullonen vaiše meletiba, kut vahvištoitta vepsän kirjkel’t, tehta vepsän kelen kirjamištod. Nece heiden pit’kaigaline rad andoi meile kaiken. Tämbei mö eskai em voigoi meletada-ki, kut mö eližim kijoita, runoilijoita, radiota da televidenijata. Mö pagižem toine toiženke vepsän kelel, mö lugem, kirjutam, kaičem vepsän rahvahan kul’turad, veroid da tradicijoid, sirdam vepsän kel’t meiden lapsile.