Mennyt pyhänpiän Vieljärven Karjalan kielen kodi pidi oman roindupäivän. Tänävuon se täytti jo kaheksa vuottu. Karjalan kielen kodi on ainavoluaduine kohtu, kus rahvas keskenäh paistah omal kielel da opastetah pagizemah karjalan kielel lapsiigi. Karjalan kielen kois ruatah kerhot, sie rahvahah niškoi pietäh masterkluassoi da pruazniekkoi. Karjalan kielen koin ruadajat ainos keksitäh midätahto uuttu. Koronaviirusan pandemien periä ei puuttunuh pidiä suurdu pruazniekkua, ga pluanua tuliekse aigua on äijy. Jatkau Karjalan kielen emändy Nina Barmina.
