Karjalan kielen kodi -yhtymys oli perustettu 7 vuottu tagaperin. Täs aijas äijy midä on suadu aigah. Yhtymys hommuau Karjalan kielen koin ruaduo, erilazii opastuksii rahvahal, jo nellätty vuottu kois ruadau N’apukat-kielipezä. Karjalas se on ainavo päivykodi, kus lapsienke kogo päivän aigah paistah vai karjalakse. Yhtelläh omah ruadoh kielipezä ei sua valdivon kannatustu. Yhtymykseh kuulujat kiännyttih tazavallan virguniekoin puoleh, gu budžietaspäi maksettas metodistan palku.