Lekarin abu Kalagen eläiden täht

  • от редакции
  • 18.12.2019
  • 383

FAP oli  avaitud Kalages kaks’ vot tagaze, pit’kän aigan se ei radand. Tal’vkun augotišes Kalagen eläjad jatktaba sada lekarin abud. Kut sanui Valdkundaline Baranovan — nimel läžundkodi, lekar kacub Kalagen aigvoččid eläjid da lapsid jogahižen nellänz’päivnän. Mugažo jogahižen kun Kalag-külähä tuleb  lekariden grupp Karjalan Valdkundan läžundkodišpäi.

Lekar’, kudamb radoi Kalages, läksi dekretaha sügüzel.  Uz’ lekar’ völ ectas. Ei amu, valdmehed ostiba uden lekarin täht  fateran Šoutjärves, sikš ku Kalages ei voigoi löuta sidä. Nugud Kalagen eläjad varastaba ičeze lekarid, kudamb radaiži necil sijal kaiken aigan.