Taidokuvailii da keräilii Maksim Maksimov eläy Piiteris, ga miehen juuret ollah Karjalas, vepsäläzes Kaleig-kyläs, kuspäi on hänen muamah. Maksiman syväin palau ennevahnallizien veššilöin da kniigoin keriändäh. Enzimäi häi rubei keriämäh kodivehkehii, jällespäi kiändyi vahnu-uskozien kniigoin puoleh. Maksim Maksimov puaksuh kävyy Karjalah  da jo mondu vuottu on yhtehizes ruavos Kiži-muzein kel. Mennyt nedälil sie loppi ruavon hänen kerättylöin vahnu-uskozien kniigoin ozuttelu.