On ilmotettu Veres tuuli Siämärven piäl rajonoinvälizen festivualin voittajen nimet. Sen keksittih pidiä Priäžän Elämä-etnokul’tuurukeskus da Jessoilan Kielen kirju -etnokul’tuurukeskus. Tädä nygyaigazen karjalankielizen pajon festivualii piettih internetas oraskuun nelländentostu da kezäkuun viijendentostu päivän välil. Sen tavoittehennu oli kannattua da kehittiä karjalan kieldy pajoloin kauti da eccie nerokkahii karjalakse kirjuttajii da pajattajii.