Ei amu Petrskoiš Periodika-paindištos mäni Vepsän kul’tursebran vastuz. Vastusen päadivod oliba Karjalan Rahvahaližen da regionaližen politikan ministerstvan ezitajad – Ministerstvan varapämez’ Aleksandra Jeršova da ministerstvan radnik Jevgenia Šustova. Mugažo vastusel pidi sanan Juminkeko-fondan pämez’ Olga Zaiceva Suomespäi, Kuhmo-lidnaspäi. Miččed küzundad, problemad letihe vastusen aigan, min polhe pagištihe, starinoičeb Vepsän kul’tursebran aktivine ühtnik Maria Košeleva. Hän oli necil vastusel mugažo.
