Täl vodel Vepsän kul’tursebr tegeb ut projektad. Sen tegijoile tuli mel’he idei tehta Sugupolviden äned — etnostudijan Kalag’-küläs, Änižröunas. Etnostudijan radho mülüba erazvuiččed kursad lapsiden täht. Kalagen školan opendajad da toižed abunikad tegiba muga, miše lapsile oliži melentarštut da tarbhašt olda da rata nenil kursoil, mise heil kazvaiži taht da melentartuz opeta vepsän kel’t da tedištada enamba vepsläižiš. Ved’ laps’aigaspäi tarbiž opeta lapsile armastada ičeze kodimad da ičeze kel’t.