Nygöi myö emmo voi kuvitella omua elaigua ilmai internettua. Sie jogahine vöi löydiä midä vai tahtonnou – eri mahug. A enne rahvas ei ni tietty mibo se on internettu. Kinuo kačottih televiizoras libo mendih kinoteatrah. Tänäpäigi rahvas mielihyväl kävväh kinoteatroih. Zualat ollah toici täpöi tävvet rahvastu. Ga nygözen kinoteatran ruado on järjestetty jo toizeh tabah, ei kui enne. A kui oli enne, tiijustammo tänäpäi meijän programmas. Mikrofonan tyveh minä kučuin anukselastu Aleksandra F’odorovna Sem’onovua, kudai 37 vuottu oli kinoteatroin ruavos: oli kinomehaniekannu, ruadoi metodistannu da kinoprogrammoin luadijannu.