Maria Aleksejevna Abramovan muistoksi

  • от редакции
  • 20.11.2020
  • 301

Necil sügüzel redukun 4.päiväl mö saim lujas pahan vestin. Elospäi läksi vepsläižen runoilijan Nikolai Abramovan mamoi Maria Aleksejevna Abramova. Karjalan radion efiras Maria Aleksejevnan änt’ mö kundlim paksus. Maria Aleksejevna oli tozi čoma paginik. Hän tezi lujas äjan, voi pagišta časuil hot’ miččen teman polhe.
Maria Aleksejevna Abramova oli sündunu Mäggärv’-küläs, Podporožjen rajonas, Piterin agjas. No kaiken ičeze elon eli susedküläs Ladvas. Maria Aleksejevna kazvati kaks’ last – Taisia-tütren da Nikolai-poigan. Iče pajati vepsläižes Koivuine-ansambl’as, kirjuti runoid da kuni voi, kaiken aigan holdui pertiš üksnäze. Jälgmäižid vozid Maria Aleksejevna eli tütrenno. Hänele oli 88 vot. Vauged mušt eläškandeb igän Maria Aleksejevna Abramovas…