Joga vuottu 21. tuhukuudu pietäh rahvahienvälisty Muamankielen päiviä. Meijän aijal, hosgi karjalan kielel pagizijua vuozi vuottu vai vähenöy, on kai sih niškoi, gu opastuo muamankieleh. Karjalan kielen säylyttämizen da kehittämizen hyväkse suuren ruavon ruattih meijän karjalankielizet opastajat, tiedoruadajat, kirjuttajat. Yksi heis — kotkatjärveläine runoniekku da kiändäi, karjalan kielen akkiloiččii Zinaida Timofejevna Dubinina. Zinaida Timofejevnan suurimii ruadoloi on «Kalevalan» da «Biblien» karjalakse kiändämine, a vie hänen hyvyös fil’mu «Jeesus» rubei kuulumah kogo mieros karjalan kielelgi.