Talvikuun allus kävyin Alavozeh, kunne minuu kučuttih karjalazien vuozikerähmöh. Alavozes eläy äijy hyviä da nerokastu rahvastu, kudamil syväin palau omah livvin kieleh. Kengo kävyy Alavozen taigin — teatrujoukkoh, kengo pajattau «Kummazis», a kengo ruadau lapsienke oman kielen da kul’tuuran hyväkse. Joga ristikanzu panou oman vuitih kielen säilyttämizen ruadoh. Sanakse, Nina Viktorovna Ivanova kirjuttau čomii runoloi karjalan kielel da tiedäy äijän ennevahnallistu sanua, kudamii tänäpäi jo harvah suau kuulta.
