Nämmil päivil omua Vuozipäiviä pidäy karjalaine mies, kielen akkiloiččii da kannattai Aleksandr Kräkkijev. 26. tuhukuudu häi täyttäy 85 vuottu. Aleksandr Vasiljevič on roinnuh Anuksen piirin Kotkatjärveh vuonnu 1939. Ijän kaiken opastajannu ruadanuh mies on ainos pidänyh arvos omua muamankieldy liygii. Tädä ristikanzua onnuakko tutah äijät Oma mua-lehten lugijat. Čoma, eriomaine karjalan kieli da paginluadu eroitetah Aleksandr Kräkkijevua toizis karjalan kielel kirjuttajis. Livvin kieli on hänel omembi da čomembi. Jo äijän vuottu Suomes elajes Aleksandr Kräkkijev hyvin tundou muamankielen armahuttu. Tänäpäi Aleksandr Kräkkijev on meijän paginkanzannu.