Kaikutte kümnenz’ voz’ om Vepsän kul’turan voz’. Täl vodel akcii mäneb jo nelländen kerdan. Vepsän kul’tursebr jo ehti pästta eloho äi čomid, melentartuižid azjoid, tämbei minä starinoičen Openduzsessjan polhe, mitte mäni necil kezal Petroskoiš. Sessii mäni kuz’ päiväd, sen vedäi oli Petroskoin universitetan opendai, vepsän da karjalan kelen kafedran docent Ol’ga Žukova. Tuliba sessijale vepsläižed koumes regionaspäi – Karjalaspäi, Piterin da Vologdan agjaspäi – vepsän kelen opendajad, školoiden pämehed, muzejoiden, etnokeskusiden da kul’turpertiden radnikad, kudambad radaba vepsän kelen da kul’turan kehitoitandan täht. Minai adivoiš oma Piterin agjan vepsläižed Gul’a Polivanova, Ol’ga Spirkova, Anna da Svetlana Trifanovad Vidl-küläspäi Piterin agjaspäi.