Ei amu Vepsän mal Šoutjärv’-posadas tehtihe čoma praznik. Sen nimi om Pajokeraine – muzikaline festival’ lapsile. Festival’ om tradicionaline. Se pidetas kaikuččel kevädel Šoujärven školas. Täl vodel se tehtihe jo nelländen kerdan. Lapsed, heiden vanhembad da opendajad tuliba praznikale kaikiš läheližiš posadoišpäi. Hö vaumičiba uzid pajoid, karguid, ombliba uzid sädoid da tegiba čomid dekoracijoid. Festivalin pätem oli voz’aigad da Iona-Jašjärvelaine monastir, miččele täl vodel täudub 455 vot. Karjalan radiospäi da televidenijaspäi necile festivalile läksi meiden toimitai Maria Filatova. Hänele tuli oza pagišta vepsän kelen opendajidenke, lapsidenke da festivalin tegijoidenke. Karjalan radion efiras mö kundlem heid kaikid.
