Sergei Toivovič Jakovlev viehkurinnu ilmestyi karjalankielizeh kaunehkirjalližuoh da kummastutti lugijoi omil pitkil, kalevalamittaizil runoloil, kudamii kirjutti karjalan da ven’an kielil. Suuri suvaičus omah roindumuah, kieleh da rahvahah tuli ezil joga hänen sanas, joga kirjutetus rivis. Runoniekan vuottamatoi lähtö tuonilmaizile kibiesti kosketti meidy kaikkii. 10 päiväl sulakuudu Sergei Jakovleval olis täydynyh 54 vuottu.
