Jälgivuozinnu Karjalas on kazvannuh sociualukeskuksien lugu, kus pietäh huoldu vähävarazis perehis, vahnois da niistielöis. Anuksenlinnas moine Karjalan tazavallan kompleksusociualukeskuksen alaozasto ruadau Peldouuličal vuvves 2011. Sinne kävyy penzielolijua rahvastu, kel kois on igävy olla da kel on himo kehittiä omii neroloi eri kerholois. Jo kaheksa vuottu sociualureabilitacien keskukses harjoittelou Severnaja jagoda- pajojoukko, kudamanke myö tänäpäi tuttavummogi.
