22. päivy sulakuudu 149 vuottu tagaperin oli rodivunnuh Nevvostoliiton kuulužu poliitiekku, valdivomies, Ven’an sotsiualu-demokruattizen ruadopartien perustai da revol’utsien sytyttäi Vladimir Lenin. Nygöi rahvas hil’l’akkazin unohtetah Leninua da hänen ruadoloi, a äijät nuoret jo ei tietä, ken häi oli. Kerdu tänäpäi on Vladimir Leninan roindupäivy, myö mustelemmo tädä Ven’an muan kuulužua miesty, a avvuttau meile täs meijän endine radiotoimittai Nikolai Nazarov.
