Kižin suari on Karjalan da Ven’an kaunehembii paikkoi, kunne joga vuottu tulou enämbi sadua tuhattu rahvastu ihailemah ainavoluadustu puuarhitektuurua da čomua Karjalan luonduo. Tänä vuon Kižin suarel enzimästy kerdua oldih pietty karjalan kielen livvin murdehen kurssat, kudamil minul lykysti kävvä da olla suarel kogonazen ned’alin. Pidäy sanuo, gu kurssiloin pidämizes oli sovittu jo mennyt vuon Kižisuaren johtajan Jelena Bogdanovanke, kudai ylen hyvin vastai kurssiniekkoi da oli järjestännyh heile mieldykiinittäjän programman. Täl kerdua myö yhtes Jelena Viktorovnanke azummo pienen ekskurssien Kižin suarele da lähembi tuttavummo sen nähtävyksih.