Kižin suari on Karjalan da Ven’an kaunehembii paikkoi. Joga vuottu tänne tulou tuhanzii turistoi ihailemah ainavoluadustu puuarhitektuurua da čomua Karjalan luonduo. Tänävuon Kiži täytti 60 vuottu kui se toimiu kul’tuurualan valdivolaitoksennu. Se on tundiettu ymbäri muailmua Spuasan pogostan kirikkölöil da kellojalloil. Suarel on muudugi histouriellistu rakennustu, kuduat hyvin ozutetah karjalazien, vepsäläzien da ven’alazien bohattua kul’tuuruperindyö. Nämis puurakennuksis kuigi suares suurdu huoldu pidäy Kižin suarimuzein johtai Jelena Bogdanova. Tänäpäi minä kučuin Jelena Viktorovnua sanelemah Kižin tämänpäiväzes elokses, ruadolois da pluanois tuliekse aigua.
