Kanman 50-vottušt Šoutjärven muzejan jubilejad Karjalan radio vaumištab paginoid muzejan enččes da nügüdläižes elos. Täl kerdal mö möst johtutam Šoutjärven muzejan tegijad, folkloran keradajad, kirjutajad, kul’turradnikad Rürik Loninad. Mö pagižem hänen znamasižen kirjan polhe, sen nimi om Vepsän rahvahan fol’klor. Radiopagin om ottud Karjalan radion arhivaspäi. Sen tegi Alevtina Andrejeva vodel 2001. Sarnoid da starinoid lugeba Alevtina Andrejeva da Rürik Petrovič Lonin.
